Қызылордалық «Қайсар» клубы команданың екінші оқу-жаттығу жиынына жастар құрамасынан үш футболшыны шақырды, деп хабарлайды Yersport.kz «қасқырлар» клубының баспасөз қызметіне сілтеме жасап.
Екінші ОЖЖ барысында негізгі құрам ойыншыларына өткен маусымда «Қайсар U-21» сапында өнер көрсеткен Айқын Әжіхан, Ринат Акберген және Батырбек Шатан қосылады.
Айта кетейік, клубтың бас бапкері Андрей Ферапонтов алдағы маусымда жас футболшылардың әлеуетін ашуға ерекше назар аударуды көздеп отыр. Жаттықтырушылар штабы жастар құрамасының тәрбиеленушілерінің ойын тәжірибесі мен жаттығу үдерісін тұрақты түрде бақылауда ұстайтын болады.