Хабиб Нурмагомедов 2020 жылы кәсіби мансабын аяқтағаннан кейін бапкерлік жолға түсті. Қазір оның жетекшілігімен Ислам Махачев, Умар және Усман Нурмагомедовтар, Гаджи Рабаданов, Магомед Зайнуков сынды мықты файтерлер жаттығады.
UFC аңызы Дэниэл Кормье Хабибтің не себепті үздік бапкер екенін түсіндірді.
«Хабибтің қандай екенін білесің бе? Ол неге керемет бапкер? Хабиб — мен өмірімде көрген ең өзімшіл емес адам. Ол әрдайым өз спортшыларын өзінен жоғары қояды. Не істесе де солай. Ұлы бапкер болу үшін эгоң болмауы керек. Хабиб өзі жаттықтыратын жігіттердің бәрі үшін екінші қатардағы кейіпкерге айналды. Соған қарамастан, ол шәкірттері жекпе-жекке толық дайын болуы үшін отбасынан жырақта өте көп уақыт өткізеді», — деді Кормье Ариэль Хельваниға берген сұхбатында.