Мадридтік «Реал» «Манчестер Сити» клубының жартылай қорғаушысы Родриге қызығушылық танытып отыр, деп хабарлайды Yersport.kz сайты.
29 жастағы хавбектің ағылшын клубымен жасасқан келісімшарты 2027 жылдың жазында аяқталады. Marca басылымының хабарлауынша, «Реал» Родридің келісімшартқа қатысты жағдайын мұқият бақылап, қолайлы сәт туындаса, оны қатарға қосуға әрекет жасауы мүмкін.
Егер «Манчестер Сити» Родримен жаңа келісімшарт бойынша ортақ мәмілеге келе алмаса, клуб ойыншыны тегін жоғалтып алмау үшін оны сатуды қарастыруға мәжбүр болады.