Франция Суперкубогы үшін өткен матчта «ПСЖ» пенальти сериясында «Марсельді» жеңді, деп хабарлайды Yersport.kz сайты.
Кувейтте өткен кездесудің негізгі уақыты 2:2 есебімен аяқталды, ал пенальти сериясында париждіктер 4:1 есебімен басым түсті.
Ойынның 13-минутында Усман Дембеле есеп ашты. 76-минутта Мэйсон Гринвуд пенальтиден таразы басын теңестірді. 87-минутта доп «ПСЖ» қақпасына Вильян Пачодан секіріп кірді. Алайда қосымша уақытта, 95-минутта, Гонсалу Рамуш есепті қайта теңестіріп, команданы жеңілістен құтқарды.
Матч тағдыры пенальти сериясында шешілді. Онда Люка Шевалье екі соққыны қайтарып, шешуші пенальтиді Дезире Дуэ дәл орындады.
Осылайша, «ПСЖ» өз тарихында 14-рет Франция Суперкубогының иегері атанды.