Астаналық «Барыстың» қақпашысы Никита Бояркин 8-9 ақпанда өтетін ҚХЛ Жұлдыздар ойынының қатысушысы атанды
Қазақстан құрамасының қақпашысы алғаш рет Жұлдыздар ойынында бақ сынайды. Бояркин Чернышев дивизионының атынан өнер көрсетеді.
ҚХЛ Жұлдыздар ойыны 2025 жылдың 8-9 ақпанында Новосибирск қаласында өтеді. 8 ақпанда көрермендер мастер-шоу және екі жартылай финалдық ойыннан тұратын турнирдің куәсі болса, 9 ақпан күні мастер-шоудың екінші бөлімі және шағын турнирдің үшінші орын үшін ойыны мен финал жоспарланған.