Қазақстандық мәнерлеп сырғанаушы Михаил Шайдоров 5-7 желтоқсан аралығында өтетін Гран-при турнирінің финалында өнер көрсетеді. Қазақстандық спортшы Францияда өтетін жарыста жарақатына байланысты турнирден шет қалған Адам Сяо Хим Фаны алмастырады.
Айта кетейік, Михаил осы маусымда екі Гран-при турнирінде бақ сынады. Анже (Франция) қаласында өткен жарыста төртінші, Чунциндегі (Қытай) бәсекенің күміс жүлдегері атанған.