«Комо» клубының бас бапкері Сеск Фабрегас Испания құрамасындағы бұрынғы серіктесі, қазір мадридтік «Реалды» жаттықтырып жүрген Хаби Алонсоның жұмысындағы басты қиындықты атап өтті, деп хабарлайды Yersport.kz сайты.
— «Реалда» барлық ойыншылар өте жоғары деңгейде. Олардың әрқайсысы алаңға шығуға лайық деп санайды. Әр ойыншы дәл өзі ойнауы керек деп ойлайды. Барлығы матч тағдырын шешуге қабілетті, құны шамамен 50 миллион еуро тұрады. Барлығы да ұлттық құрамаларында өнер көрсетеді. Осындай факторлардың барлығын басқару — сөзсіз, ең күрделі міндет», — деп келтіреді Marca Фабрегастың Алонсо туралы деректі фильмде айтқан сөзін.
Алонсоның «корольдік клубтағы» дебюттік маусымы барысында оның ықтимал отставкасы жайлы қауесеттер бірнеше рет тараған болатын. Ла Лиганың 18 турында «Реал» турнир кестесінде 2-орында келеді және көш бастап тұрған «Барселонадан» 4 ұпайға қалып отыр.