Қазақстандық теннисші, әлемнің 74-ракеткасы Юлия Путинцева Австралияның Брисбен қаласында өтіп жатқан WTA 500 санатындағы турнирді жеңіспен бастады.
1/32 финал кезеңінде Путинцева әлемдік рейтингте 65-орында тұрған америкалық Хейли Баптисті екі сетте ұтты — 6:2, 6:4.
Келесі айналымда қазақстандық теннисші турнирдің бірінші кезеңін өткізіп алған Украина өкілі, әлемнің 26-ракеткасы Марта Костюкпен кездеседі.
Айта кетейік, Юлия Путинцева іріктеудің финалында жеңілгенімен, чехиялық Каролина Плишкованың жарыстан бас тартуына байланысты негізгі торға lucky loser ретінде өткен болатын.