Қазақстандық таеквондошы Бейбарыс Қаблан Найробиде (Кения) өтіп жатқан жастар арасындағы әлем чемпионатында 87 келіден жоғары салмақта алтын медальға қол жеткізді.
Финалда ол Оңтүстік Корея өкілі Ян Чжунёнды сенімді түрде жеңді. Осылайша, Қазақстан жастар құрамасы жарыста алғашқы медалін жеңіп алды.
21 жасқа дейінгі спортшылар арасындағы таеквондо әлем чемпионаты 6 желтоқсанға дейін жалғасады. Дүбірлі додаға 75 елден шамамен 500 спортшы қатысуда.