«Реалдың» жаңа бас бапкері Альваро Арбелоа Жозе Моуриньюдің өзінің бапкерлік стиліне ықпалы жайлы пікір білдірді, деп хабарлайды Yersport.kz сайты.
Португалиялық маман мадридтік клубты 2010–2013 жылдары басқарған. Сол кезеңде Арбелоа оның қол астында қорғаушы ретінде ойнады.
«Мен онымен сөйлескен жоқпын. Оның жетекшілігімен жаттығу мен үшін үлкен мәртебе болды әрі ол маған айрықша әсер етті.
Егер мен Жозеге ұқсауға тырыссам, сөзсіз күйрей жеңілер едім. Мен Арбелоа боламын – сәтсіздіктен қорықпаймын.
Менің мансабымда бапкерлер көп болды, олардың барлығы маңызды, бәрі маған өз ықпалын тигізді. Сен өз стиліңді қалыптастырып, әрқайсысынан ең жақсысын аласың.
Олардың көпшілігі – аңыз адамдар, футболда бәрін жеңіп шыққан. Мен де солардың жетістігінің жартысына болса да жетсем деп үміттенемін», – деді Арбелоа.