Ербол Хамитов Милан–Кортинадағы қысқы Паралимпиада ойындарында тарихи жетістікке қол жеткізді.
Ербол Хамитов — пара биатлон және пара шаңғы жарысы бойынша ел намысын қорғап жүрген тәжірибелі спортшы. 2026 жылы Италияда өткен ойындарда ол жоғары деңгейде өнер көрсетті.
10 наурызда отырып жарысатын спортшылар арасындағы пара шаңғы жарысының спринт бәсекесінде қола медаль жеңіп алды. Іріктеу кезеңінде алтыншы нәтиже көрсеткен ол жартылай финалда мәреге бірінші болып жетті. Ал финалда Қытай мен Бразилия спортшыларынан кейін үшінші орынға тұрақтады.
Алайда басты жетістік 13 наурыз күні тіркелді. Ербол Хамитов пара биатлоннан 4,5 км қашықтықтағы із қуу жарысында 9 минут 39 секунд нәтижемен топ жарып, алтын медаль иеленді.
Бұл жеңіс — Қазақстан құрамасы үшін маңызды табыс қана емес, ел спорты тарихындағы жарқын белестердің бірі.
«Journiverse» білім беру орталығының оқушысы: Бегимбаева Жамиля