Kaspi.kz иесі Михаил Ломтадзе басқаратын «Уиком Уондерерс» Англия Бірінші лигасының 28-туры аясында өз алаңында жеңіліске ұшырады, деп хабарлайды Yersport.kz.
«Адамс Парк» стадионында өткен «Питерборо Юнайтедке» қарсы кездесу 0:2 есебімен аяқталды. Матчтағы алғашқы голды 37-минутта Кайрелл Лисби соқты. Ал 68-минутта Киан Хэйес есепті түйіндеді.
Бұл жеңіліс «Уиком Уондерерс» үшін жаңа күнтізбелік жылдағы алғашқы сәтсіздік болды — бұған дейін команда төрт матчтан тұратын жеңіліссіз серия көрсеткен еді.
Осы жеңістің арқасында «Питерборо Юнайтед» 27 матчтан кейін 38 ұпай жинап, турнир кестесінде 9-орынға көтерілді. Ал 36 ұпайы бар «Уиком Уондерерс» 12-орынға сырғыды. Чемпионаттың көшбасшысы — 56 ұпаймен «Кардифф Сити».