Тәжірибелі италиялық бапкер Карло Анчелотти Бразилия ұлттық құрамасына қатысты маңызды қадамдар жасап жатыр. Ge Globo мәліметінше, Анчелотти жақында Неймар мен Каземиромен жеке сөйлескен.
Бапкер Неймарға 2026 жылғы Әлем чемпионаты қарсаңында өз жоспарын ашық айтып, оның команда үшін ерекше рөл атқаратынын атап өткен. Анчелоттидің пікірінше, Неймар – Бразилия құрамасының басты тірегі, сондықтан оның дайындығы әрі мотивациясы жоғары болуы аса маңызды.
Сондай-ақ Анчелотти Каземиромен де байланыс орнатқан. Ол тәжірибелі жартылай қорғаушыны ұлттық құраманың қатарына қайта қосуды көздеп отыр. Каземиро – көптеген жылдар бойы Бразилияның негізгі ойыншыларының бірі болған және оның тәжірибесі командаға жаңа серпін беруі мүмкін.
Карло Анчелоттидің бұл қадамдары Бразилия құрамасының болашағына деген сенімді арттырып, жанкүйерлер арасында үміт отын маздатты. Әлем чемпионатына дайындық басталып кеткені анық, енді басты назар — команданың жаңа құрылымы мен тактикалық өзгерістерінде болмақ.