«Манчестер Сити» футбол клубы өзінің ресми сайтында бас бапкер Хосеп Гвардиоламен келісімшарттың 2027 жылға дейін ұзартқанын ресми түрде хабарлады.
53 жастағы маман «қалалықтармен» 1+1 жүйесі бойынша келісімге келген, яғни 2025-2026 жылғы футбол маусымынан кейін тағы бір маусымға созуға мүмкіндік бар.
Гвардиоланың алдыңғы келісімшарты осы маусымның соңына дейін жарамды еді.
Хосеп Гвардиола 2016 жылдан бері «Манчестер Сити» командасының бас бапкері қызметінде. Осы уақыт аралығында 6 рет АПЛ жеңімпазы атанып, Чемпиондар Лигасында жеңіске жетті. Осы маусымда Хосеп Гвардиола шәкірттері АПЛ-де өткен 11 турдың қорытындысы бойынша 23 ұпай жинап, турнирлік кестеде екінші орында келеді.