UFC-дің жеңіл салмақтағы (lightweight) чемпиондық белбеуінің иегері, 28 жастағы жеңіліссіз испан-грузин файтері Илия Топурия жартылай орта салмақтың чемпионы, ресейлік Ислам Махачевпен ықтимал жекпе-жекке қатысты пікір білдірді, деп хабарлайды Yersport.kz сайты.
— Мен өзімнің басты артықшылығым грэпплинг деп есептеймін, алайда соңғы уақытта көрермендер дәл соны көргісі келе бермейтінін түсіндім. Дегенмен, Исламмен болатын жекпе-жекте бұл керісінше, барлығы күткен дүние болуы мүмкін. Мен онымен айқаста стойкада басымдыққа ие боламын, үш-төрт нақты соққы жасаймын да, Хабибтің көз алдында жеңіске жетемін. Мен соны қатты қалаймын, — деді Топурия.
Сондай-ақ файтер қарсылас командасының өкілдеріне қатысты өткір пікірін де жасырмады.
— Олар өздеріне тым сенімді, тіпті менмен. Егер осыдан кейін Хабиб араласқысы келсе, мен оған да қарсы тұруға дайынмын, — деп келтіреді Топурияның сөзін Red Corner MMA парақшасы X (бұрынғы Twitter) әлеуметтік желісінде.
Айта кетейік, қазіргі таңда Топурия UFC-дегі жеңіліссіз сериясын жалғастырып келеді, ал Махачев — ұйымдағы ең мықты чемпиондардың бірі саналады.