Футболдан Португалия құрамасының бас бапкері Роберто Мартинес Криштиану Роналдудың мансабын қашан аяқтайтыны туралы пікір білдірді, деп хабарлайды Yersport.kz сайты.
«Бізде нақты статистика бар. Егер оның физикалық формасы төмендеп бара жатыр деп талдасақ, бұл жағдай емес екенін көреміз. Керісінше, физикалық көрсеткіштері оның әлі де ойнай алатынын дәлелдейді.
Меніңше, мәселе оның өзін қашан дайын сезінетініне байланысты. Ол — өзіне өте талапшыл футболшы. Командаға көмектесе алмайтынын сезінген сәтте, мансабын қашан аяқтау керегін өзі шешеді», — деді Мартинес.