«Барселона» бапкері Ханс-Дитер Флик баспасөз мәслихатында Испания Кубогының маңызын төмендететіндер туралы сұраққа жауап беріп, басты қарсыласын меңзеді.
Сұрақ: «Барсаның» жартылай финалға шығуы қарсыластардың деңгейінің төмендігі деп, еңбектеріңізді жоққа шығарып жатқандарға не дейсіз?
Флик: «Реал Мадридтен сұраңыздар!»
Естеріңізге сала кетейік, «Реал» кубоктық турнирден сенсациямен ұшып, Сегунда да ойнайтын «Альбасете» командасына есе жіберді. Кейін мадридтік клуб бұл трофейді Ла Лига мен Чемпиондар лигасындағы жетістік үшін құрбандыққа шалды деген пікірлер айтылған болатын.