Чемпиондар Лигасының 6-турында сырт алаңда испаниялық «Жиронамен» кездескен Арне Слот шәкірттері минималды есеппен жеңіске жетті. Ойындағы жалғыз голды Мұхамед Салах 63-минутта пенальтиден соғып, командасына үш ұпай алып келді.
Осылайша «Ливерпуль» алты ойыннан кейін 18 ұпай жинап, турнир кестесінде көш бастап тұр. Арне Слоттың командасы қарсылас қақпасына 13 гол соғып, өз қақпасына бір гол жіберген. Чемпиондар Лигасындағы алтыншы жеңіс англиялықтарға мерзімінен бұрын плей-офф кезеңіне шығуға мүмкіндік берді.