Қазақстан күрес федерациясына жаңа президент сайланды
5 желтоқсанда Қазақстан грек-рим, еркін және әйелдер күресі федерациясының отырысы өтті. Жиында 2025 жылғы жұмыс қорытындылары, ұлттық құрамалардың халықаралық жарыстардағы нәтижелері және жаңа маусымға қойылған міндеттер талқыланды. Сонымен қатар федерация президентін сайлау өткізілді.
Қатысушылардың шешімімен федерацияның жаңа президенті болып Еркін Оқасов сайланды. Ол қызметінен өз еркімен кеткен Дәулет Тұрлыхановтың орнына келді.