Диего Симеоне жаттықтыратын команда Испания чемпионатындағы соңғы үш ойында бірде-бір гол соқпай, жалпы есепте 0:4 нәтижесін тіркеді. Бүгін 24-тур аясында мадридтіктер сырт алаңда Райо Вальекано клубынан 0:3 есебімен ойсырай жеңілді. Бұған дейін Левантемен 0:0 есебімен тең түсіп, Бетистен 0:1 есебімен ұтылған еді.
Айта кетейік, бұған дейінгі бейсенбі күні «матрасниктер» Испания Кубогының жартылай финалындағы алғашқы ойында Барселонаны 4:0 есебімен тас-талқан еткен болатын.
Қазіргі таңда Ла Лига турнирлік кестесінде «Атлетико» 45 ұпаймен төртінші орында тұр.