Қазақстан əйелдер баскетболындағы 2025/2026 жылғы маусым өз мəресіне жетті. XXXIV Қазақстан чемпионатының Ұлттық лига додасы биыл жанкүйерлерге тартысты матчтар, эмоцияға толы сəттер жəне жаңа қаһармандарды сыйлады. Маусым бойы командалар жоғары деңгейдегі ойын
өрнегін көрсетіп, ел əйелдер баскетболының дамып келе жатқанын дəлелдей
түсті.
Чемпионат қорытындысы бойынша алтын медальді «Tigers» командасы иеленіп, араға біраз жыл салып ел чемпионы атанды. Күміс жүлде Көкшетаудың «Оқжетпес» клубына бұйырса, үздік үштікті «ERTIS» түйіндеді. Бұл нəтиже маусым бойғы тұрақтылық пен мінездің жемісі болды. Əсіресе «Astana Tigers» командасы үшін бұл жыл ерекше есте қалары анық. Команда бір маусымда бірден бірнеше ірі жетістікке қол жеткізді. Ел чемпионы атанумен қатар, олар Қазақстан Республикасының Кубогын жəне ҚР Жоғары лигасының жеңімпазы атағын да иеленді. Осылайша астаналық клуб ел
баскетболындағы үстемдігін тағы бір мəрте дəлелдеді. Маусым барысында «Tigers» тек командалық деңгейде ғана емес, жекелей марапаттарда да көш бастады. Чемпионаттың ең құнды ойыншысы (MVP) атағы команда көшбасшысы Ганна Рулёваға берілді. Ол шешуші ойындарда салқынқандылығымен, тұрақты ойынымен жəне көшбасшылық қасиетімен ерекшеленді. Ал үздік бапкер номинациясында Виталий Стребков топ жарып, команданы табысқа жетелеген еңбегі жоғары бағаланды.
Чемпионаттың символикалық үздік бестігіне əртүрлі клубтардың жарқын ойыншылары енді. Олардың қатарында «ERTIS» сапындағы Қамажай Өтегенова, «Барсы Атырау» ойыншысы Мария Аристова, «Оқжетпес» өкілі Надежда Яковлева, «Каспийден» Вера Черкасская жəне «Тұран» клубының баскетболшысы Ульяна Кудрявцева бар. Бұл ойыншылар маусым бойы жоғары деңгей көрсетіп, өз командаларының негізгі күшіне айналды. Биылғы чемпионаттың тағы бір ерекшелігі — бəсекелестіктің күшеюі. Көптеген кездесулер соңғы секундтарға дейін тартысты өтіп, жанкүйерлерге нағыз спорттық драманы сыйлады. Командалардың физикалық дайындығы да,
тактикалық деңгейі де айтарлықтай өскені байқалды.
XXXIV Қазақстан чемпионаты əйелдер баскетболының елдегі беделі артып келе жатқанын көрсетті. Бұл маусым жаңа есімдерді ашып қана қоймай, тəжірибелі ойыншылардың да шеберлігін тағы бір дəлелдеді. Ал «Astana Tigers» өз тарихындағы табысты кезеңдердің бірін өткізіп, жанкүйерлеріне ұмытылмас маусым сыйлады.
Келесі маусым бұдан да тартысты болары сөзсіз. Өйткені қазіргі əйелдер
баскетболында əр команда чемпиондық үшін күресуге дайын екенін дəлелдеп
үлгерді.
Дастан Мұфтолла