Италия төрінде Қазақстанның әнұраны қайта шырқалды. 2026 жылғы Паралимпиада отандық параспортшылар үшін шын мәнінде “алтын” сапарға айналды.
Бұл жарыстың басты қаһарманы — Ербол Хамитов. Ол 13 наурызда пара биатлоннан 4,5 шақырымдық із кесу жарысында ел қоржынына тарихи алтын медаль сыйлады. Оның нәтижесі — 9 минут 39 секунд.
Ербол бұл Паралимпиадада тек алтынмен шектелген жоқ. Бұған дейін ол пара шаңғы жарысының спринт (1500 м) бәсекесінде қола медаль жеңіп алып, Қазақстан құрамасының жалпы көрсеткішін жақсартуға үлкен үлес қосты.
Сондай-ақ қазақстандық пара шаңғышылар — Ербол Хамитов, Владислав Кобаль және Александр Герлиц — 4×2,5 шақырымдық ашық эстафетада 5-орынға ие болды.
Құрамадағы ең жас спортшы — 17 жастағы Владислав Кобаль болса, ең тәжірибелі спортшы — 51 жастағы Сергей Усольцев.
Қазақстандық параспортшылардың бұл нәтижесі — жүйелі дайындық пен табанды еңбектің айқын көрінісі.
«Journiverse» білім беру орталығының оқушысы:
Тажигалиева Аяулым