«Манчестер Сити» «Борнмуттың» вингері Антуан Семеньоны өз сапына қосты. Бұл туралы манчестерлік клубтың баспасөз қызметі ресми түрде хабарлады.
26 жастағы ганалық футболшымен келісімшарт 2031 жылдың жазына дейін, яғни бес жарым жылға жасалды. Семеньо жаңа командасында 42-нөмірмен өнер көрсетеді.
БАҚ мәліметінше, трансфер құны 62,5 + 1,5 млн фунт стерлингті құрайды. Бұл — «Борнмут» тарихындағы ең қымбат сатылым. Сонымен қатар, ағылшын клубы ойыншының болашақтағы трансферінен 10 пайыз үлес алады.
Антуан Семеньо биылғы маусымда АПЛ-де 20 матч өткізіп, 10 гол соғып, 3 нәтижелі пас берген.
