«Ливерпуль» клубының басшылығы бас бапкер Арне Слотқа қазіргі жеңіліссіз серия жеткіліксіз екенін жеткізді. Келесі маусымда қызметінде қалу үшін нидерландиялық маман команданың нәтижесін айтарлықтай жақсартуы тиіс. Бұл туралы Indykaila X әлеуметтік желісінде хабарлады.
Дереккөз мәліметінше, Слот клубтың футбол департаментімен трансфер саясаты мен команданың қазіргі көрсеткіштері бойынша тікелей байланыста. Ал келісімшартты ұзарту жөніндегі келіссөздер уақытша тоқтатылған.
Қазір «Ливерпуль» АПЛ турнирлік кестесінде 20 турдан кейін 34 ұпаймен төртінші орында тұр. Команда көш бастап тұрған «Арсеналдан» 14 ұпайға қалып келеді.