«Челси» Англия Премьер-лигасының 19-туры аясында «Борнмутпен» (2:2) тең түсті.
Ойын Лондондағы «Стэмфорд Бридж» стадионында өтті. Матчтың 6-минутында Дэвид Брукс есеп ашты. 15-минутта Коул Палмер пенальтиден гол соғып, таразы басын теңестірді. 23-минутта Энцо Фернандес «Челсиді» алға шығарды. Ал 27-минутта Джастин Клюйверт есепті қайта теңестірді.
Айта кетейік, лондондық клуб жіберген екі гол да допты ауттан ойынға қосқаннан кейін тіркелді.