Әлемнің бұрынғы екінші ракеткасы Алекс Корретха Карлос Алькарас пен оның ұзақ жылдарғы бапкері Хуан Карлос Феррероның ынтымақтастығының тоқтауына пікір білдірді.
«Мен қатты таңғалдым әрі көңілім қалды. Бұл екеуі үшін де жағымсыз жаңалық. Жағдайдың бәрі осындай күрт аяқталатындай деңгейде ушықты деп ойламаймын.
Олар бірге ұзақ жылдар жұмыс істеді. Ферреро Карлосты ойыншы ретінде қалыптастырды, тәрбиеледі, ойын жүйесін құрды. Карлос — өңделмеген алмаз еді, ал Ферреро оның барлық қасиетін ашуға тырысты. Мүмкін, бұрыннан келе жатқан ұсақ келіспеушіліктер осы шешімге алып келген шығар.
Меніңше, Ферреро оның қорғаншы періштесі секілді болды, оны мінсіз түсінетін адам еді. Бұл тандем баршаға — испан теннисі үшін де, өздері үшін де өте тамаша болатын. Шынымды айтсам, айырмашылықтарына қарамастан — иә, біреуі [Ферреро] қаталдау, екіншісі [Самуэль Лопес] икемдірек — бәрі осылай аяқталады деп сезбеген едім.
Ішімде бір аяқталмағандық сезімі қалды. Қазір екеуіне де оңай емес екеніне сенімдімін. Оларға бейімделуге тура келеді: Ферреро үйде қалады, ал Карлитосты бір айдан кейін Australian Open күтіп тұр, бұл турнир оны есейтіп, өсіреді. Мен тіпті бұрынғыдан да салмақты, байыпты Алькарас көреміз деп ойлаймын. Бұл оның кәсіби мансабына ауыр соққы, бірақ оны еңсеруге тура келеді», — деді Корретха.