Ақтөбе облысының прокуратурасы «Ақтөбе» футбол клубының қызметін тексеріп, 250 миллион теңге көлемінде қаражаттың жымқырылғанын анықтады. Тексеру барысында клубтың ойыншыларды сатып алу мен сату және әуе тасымалдау шығындары бойынша күмәнді мәмілелер жасалғаны белгілі болды. Сонымен қатар, ойыншылардың тамақтануына бөлінген қаражат клуб қызметкерлерінің жеке қажеттіліктеріне жұмсалған.
Облыстық прокуратура 189-бап (мүлікті ысырап ету), 190-бап (алаяқтық) және 361-бап (өкілеттікті теріс пайдалану) бойынша 3 қылмыстық іс қозғады. Қазіргі таңда тергеу жұмыстары жалғасып жатыр.