Қазақстандық ММА шебері Шавкат Рахмонов (18-0) Парадайс (Невада штаты, АҚШ) қаласында өтетін UFC 310 турнирінің алдында ирландиялық Иэн Мачадо Гэрримен (15-0) көз түйістірді.
310 турнирі Лас-Вегастағы T-Mobile арена спорт кешенінде 7 желтоқсан күні өтеді. Рахмонов-Гэрри жекпе-жегі кештің басты жекпе-жектерінің бірі ретінде жоспарланған.
Айта кетейік, негізі Шавкат Рахмонов басында Белал Мухаммадпен октагонда кездесу керек еді. Дегенмен қарсыласының (Белал Мухаммад) қолына операция жасауына байланысты жекпе-жек кейінге шегерілді. Шұғыл арада Рахмоновқа қарсылас іздеген UFC Иэн Гарриді тапты.
Енді UFC 310 турнирінің басты жекпе-жегі ретінде Алешадри Пантожа және Каи Асакура арасында өтеді. Қос спортшы жеңіл салмақтағы чемпиондық атақты сарапқа салады. Сонымен қатар, кештің тағы бір маңызды жекпе-жектерінің бірі ауыр салмақта өтеді. Сирил Ган Александр Волковпен шеберлік байқасады.