Португалиялық бапкер Жорже Жезуш Бразилия ұлттық құрамасының бас бапкері атануға негізгі үміткер ретінде қарастырылып отыр. Бұл туралы GloboesporteSP басылымы мәлімдеді.
Қазіргі таңда Жезуш Сауд Арабиясының «Әл-Хиләл » командасын жаттықтырып келеді. Оның келісімшарты биыл жазда аяқталады, сондықтан ұлттық құрамамен жұмыс істеуге жол ашылуы мүмкін.
Тәжірибелі маман Бразилия құрамасын басқаруға ынталы екені айтылып отыр. Бұған дейін бұл қызметке Карло Анчелотти үміткер болғанымен, келісім жүзеге аспаған.