Мәскеудің «Динамосының» және Словакия құрамасының бұрынғы шабуылшысы Мартин Якубко Владимир Вайсстың «Ақтөбеде» табысқа жете алу-жетпеуі жайлы ойымен бөлісті, деп хабарлайды Yersport.kz ASnews.kz сайтына сілтеме жасап.
«Мен Вайсстың „Ақтөбеге“ келуі мүмкін деген ақпаратты алғаш рет естіп отырмын. Бірақ ол ұзақ уақыт бойы Слован клубын жаттықтырып келеді. Чемпиондар лигасындағы сәтсіздіктен кейін Владимирдің қызметінен кетуі мүмкін деген әңгімелер бар. Оның Қазақстандағы өткен жолын ескерсек, мұндай нұсқа әбден ықтимал.
Оның „Слованның“ иесімен ерекше қарым-қатынасы бар. Сондықтан бәрі де мүдделі клуб басшылығының оны қаншалықты көндіре алатынына байланысты. Егер клуб иесі Вайсстың қалуын қаласа, ол ешқайда кетпейді», — деді 46 жастағы словак.
Якубконың айтуынша, бұрын Қайрат клубын жаттықтырған маман әлі де амбициясы жоғары командаларға пайдасын тигізе алады:
«Оның жұмыс әдістерін ескірген деп айта алмаймын. Керісінше, ол — біздің елдегі ең мықты, бәлкім ең үздік бапкер, қоржынында жеті чемпиондық бар. Сонымен қатар, жанында білікті көмекшілері бар. 61 жастағы Вайсс — кәрі емес, тәжірибелі маман. Егер ҚПЛ-ға келсе, міндетті түрде табысқа жетеді», — деп қосты ол.
Еске сала кетейік, БАҚ мәліметінше, «қызыл-ақтар» словак маманын бас бапкер қызметіне шақыруға мүдделі. Николай Костов жазғы трансферлік кезеңге дейін қызметінен кетуі мүмкін.
Вайсс Қазақстанда 2013-2015 жылдары жұмыс істеді. Оның жетекшілігімен Қайрат екі рет Қазақстан Кубогын жеңіп алды, сондай-ақ барлық турнирлерде 122 матчтың 68-інде жеңіске жетті.