Футзалдан УЕФА Чемпиондар Лигасының элиталық кезеңінде өнер көрсетіп жатқан «Семей» испаниялық «Пальма» командасымен кездесіп, 1:4 есебімен жеңілді.
Ойын барысында қазақстандық команда сапында қақпашы Игита бірінші болып есеп ашқанымен, қарсылас команда қатарында Фабиньо хет-трик авторы атанды. Тағы бір гол Лукас Мачадоның еншісінде. D тобындағы екінші ойында «Бельско-Бяля» және «Лученец» кездесіп, польшалықтар 3:1 есебімен жеңіске жетті.
Айта кетейік, элиталық кезең Пальма қаласында өтіп жатыр. Қазақстандық команда келесі ойынды польшалық «Бельско-Бяляға» қарсы өткізеді. УЕФА Чемпиондар Лигасының төрттік финалына топтың жеңімпазы жолдама алады.