«Реал Мадрид» бір жылдан астам уақыт бойы бірде-бір трофей жеңіп алған жоқ, деп хабарлайды Yersport.kz сайты.
Соңғы 13 айда мадридтік клубтың қоржынына жаңа жүлде түскен жоқ. Бүгін «Реал» Испания Суперкубогының финалында «Барселонадан» 2:3 есебімен жеңілді.
«Реалдың» соңғы трофейі 2024 жылдың желтоқсанында тіркелді. Ол кезде «корольдік клуб» ФИФА Құрлықаралық кубогының финалында мексикалық «Пачуканы» 3:0 есебімен ұтқан болатын.
2025 жылы «ақтар» Испания Суперкубогы мен Испания Кубогының финалдарында «Барселонаға» жол берді, ал Ла Лига маусымын екінші орынмен аяқтады.
Чемпиондар лигасында «Реал» 1/4 финалға дейін жетіп, онда «Арсеналға» есе жіберді. Ал клубтар арасындағы әлем чемпионатында мадридтіктер жартылай финалда «ПСЖ-дан» жеңіліп қалды.