«Барселона» клубының президенті Жоан Лапорта «Реалмен» арадағы қарым-қатынасқа қатысты ойын кеңінен айтты, деп хабарлайды Yersport.kz сайты.
Бұған дейін Лапорта бұл тақырыпты Испания Корольдік футбол федерациясы (RFEF) Испания Суперкубогының финалына орай ұйымдастырған коктейль-кеште қозғаған болатын.
«Флорентино [Перес] келді ме, жоқ па – білмеймін. Ол федерацияның іс-шарасына қатысқан жоқ, бірақ әркім өзіне дұрыс деп санағанын істеуге ерікті. Біз қарсыласымызға және оның өкілдеріне терең құрметпен қараймыз. Ұйымдарымыз арасындағы қарым-қатынас әрдайым үйлесім аясында болды.
Дегенмен бізді бір-бірімізден алыстатқан бірнеше мәселе бар. Біз бұрыннан-ақ ымырасыз әрі мәңгілік қарсыластар едік, ал қазір қарым-қатынасты үзіп жіберген жағдай туындады. Бұл құрмет жоқ дегенді білдірмейді. Өмірде бәрін реттеуге болады, бірақ ол іске араласқан тараптарға байланысты», – деді Лапорта.