Дәулет Тұрлыханов күрес федерациясының басшысы қызметінен кетті
Дәулет Тұрлыханов бұл қызметті 2000 жылдардың басынан атқарып, 2013 жылы федерацияның вице-президенті ретінде жұмысын жалғастырды. 2021 жылы Сауат Мыңбаев қызметінен кеткеннен кейін Тұрлыханов қайтадан федерация басшысы болып сайланған еді.
Федерацияның жаңа президенті болып кәсіпкер Еркін Окасов сайланады деп күтілуде. Ол бұған дейін «Qazaq Kuresi» қауымдастығының бірінші вице-президенті қызметін атқарған.