Конор Макгрегор Энтони Джошуа мен Джейк Пол арасындағы жекпе-жекке болжам жасады, деп хабарлайды Yersport.kz сайты.
UFC-дің бұрынғы қос салмақ дәрежесіндегі чемпионы Конор Макгрегор экс-әлем чемпионы Энтони Джошуа мен блогер Джейк Пол арасындағы айқасқа қатысты өз пікірін білдірді.
«Бұл жекпе-жекке әлі жеке бәс қойған жоқпын, бірақ “алғашқы 60 секундта нокаут” нұсқасы маған қатты ұнап тұр. Енді мәселе — қанша қою керек және тағы неге тігуге болады?
Бұл кездесу Джошуа үшін оңай серуен болады. Мен Matchroom-ды жақсы білемін, бұл — келісілген жекпе-жек емес. Джейк өзін ақымақша ұстап жүр — осы айқастан кейін ол енді ешқашан бұрынғыдай болмайды», — деп жазды Макгрегор әлеуметтік желіде.
Энтони Джошуа мен Джейк Пол арасындағы жекпе-жек 20 желтоқсанға қараған түні Майами қаласында өтеді.