Лондондық «Челси» ойыншылары мен клуб басшылығы үлкен жүрек пен нағыз спорттық бауырмалдықтың үлгісін көрсетті. 2025 жылғы клубтық әлем чемпионатындағы жеңісі үшін әр ойыншыға берілген 500 мың долларлық бонустың барлығы қайырымдылыққа бағытталды.
Жалпы сомасы 15,5 миллион долларды құраған қаржы марқұм Диогу Жотаның отбасына және апатта қаза тапқан оның бауыры Андре Силваның туыстарына берілді.
Диогу Жота 2020 жылдан бері «Ливерпуль» сапында өнер көрсетті. Өкінішке қарай, 3 шілдеде Испанияның Самора провинциясында ол туған бауырымен бірге жол апатынан көз жұмды. Тергеу мәліметінше, апатқа жылдамдықты арттыру мен дөңгелектің ақауы себеп болған.