Украиналық қорғаушы 1 ақпанда Арсенал клубынан кеткеннен кейін Аякске ауысқан болатын, деп хабарлайды Yersport.kz сайты.
Ол сенбі күні Эредивизи аясында Фортуна Ситтардке қарсы өткен ойында (4:1) жарақат алды. Футболшы кездесудің 6-минутында алаңнан аяғын ақсап басып кетті.
Матчтан кейін «Аякс» бас бапкері Фред Грим ойыншының ұзақ уақытқа қатардан шығып қалуы мүмкін екеніне алаңдаушылық білдірді.
«Ол бізге үлкен үмітпен келді. Бірден өзін көрсетті. Біз іздеген көшбасшы дәл сол еді. Бұл командаға әсер етпей қоймайды.нан
Мен оның қатты ауырсынғанын көрдім. Енді тек күту ғана қалды. Дүйсенбі күні нақтырақ ақпарат аламыз деп үміттенемін», – деді Грим ESPN-ге берген сұхбатында.
Бұл Зинченконың «Аякс» сапындағы екінші ойыны еді. Бұған дейін АЗ Алкмарға қарсы матчта ол қосалқы құрамнан шығып, 14 минут ойнаған.