Александр Бублик Дэвис кубогындағы Қазақстан — Монако арасындағы матчтық текетірестің алғашқы ойынында Хьюго Ниске қарсы кортқа шықты, деп хабарлайды Yersport.kz.
Қазақстанның бірінші ракеткасы екі сет қорытындысы бойынша айқын басымдықпен жеңіске жетті — 6:0, 6:3. Кездесу 1 сағат 2 минутқа созылды.
Осылайша, Бублик Қазақстан құрамасын есепте алға шығарды. Келесі матчта Александр Шевченко мен Валентин Вашеро кортқа шығады.
Еске салайық, қазақстандық теннисшілер Монако құрамасына қарсы Дэвис кубогының бірінші әлемдік тобы аясында әлемдік теннис элитасында қалу құқығы үшін күресіп жатыр.