Шымкент қаласында тарихтағы маңызды спорттық оқиғалардың бірі орын алды: кәсіби «Ордабасы» футбол клубы жекешелендіріліп, жаңа иесіне өтті. Меморандумға қала әкімі Ғабит Сыздықбеков пен «Integra Construction KZ» ЖШС басшылығы қол қойды.
Бұл қадам Қазақстан Президенті Қасым-Жомарт Тоқаев қойған кәсіби футбол клубтарын коммерцияландыру және дамыту жөніндегі тапсырма аясында жүзеге асырылды.
Ұжымның жаңа иесі Шахмұрат Мүтәліп — Қазақстан Бокс федерациясының президенті ретінде спорт саласындағы тәжірибесі мол тұлға.