Ламин Ямалдың әкесі Мунир Насрауи ұлына арналған жазба жариялап, онда оны «Барселонаның» және Аргентина құрамасының бұрынғы футболшысы Диего Марадонамен салыстырды, деп хабарлайды Yersport.kz сайты.
«Барселонаның» вингері Ламин Ямал Ла Лиганың 23-туры аясында «Мальоркаға» қарсы өткен матчта (3:0) гол соқты.
Ойыннан кейін Мунир Насрауи ұлының ойын сәттерінен құралған видеоны әлеуметтік желіге жүктеді. Ролик нейрожелі арқылы жасалған Ламин Ямал мен Диего Марадонаның бірге түскен бейнесінен басталады.
«Жай ғана мақтан тұтатын әке. Бәрі үшін туған-туыстарыма алғысым шексіз», – деп жазды Мунир видеоны сипаттап.
