Спорт менеджері әрі промоутер Жалғас Түкешов Қазақстаннан шыққан IBF/WBO тұжырымдары бойынша әлем чемпионы Жәнібек Әлімханұлының допинг ісіне байланысты пікірін білдірді, деп хабарлайды Yersport.kz сайты Sports.kz порталына сілтеме жасай отырып.
«Бұл мәселе әлемдік деңгейде шешіледі, мұнда бір адамның немесе бір федерацияның жеке шешімі болмайды. Жәнібек — Жәнібек Әлімханұлы, қазіргі таңда ол WBO және IBF нұсқалары бойынша әлем чемпионы. Бұл оның екі беделді халықаралық ұйымның спортшысы екенін білдіреді.
Бұл ұйымдардың:
— заңгерлік комиссиялары;
— медициналық сараптама жүйелері;
— спортшылардың құқықтарын қорғайтын нақты тетіктері бар.Сондықтан шешім барлық дәлелдер мен құжаттар қаралғаннан кейін, тек ережелер мен заңдар аясында қабылданады. Кәсіпқой бокста бәрі дәл осылай жүруі керек — эмоциямен емес, фактілер мен регламентке сүйене отырып», — деп жазды маман Instagram парақшасында.
Желтоқсан айының басында Әлімханұлының допинг сынамасынан тыйым салынған зат — мельдоний анықталған болатын. Бұл жағдай оның кубалық Эрисланди Лараға қарсы әлем чемпионының үш титулы үшін өтуі тиіс біріккен жекпе-жегінің болмауына себеп болды. 8 қаңтарда боксшы командасының талап етуімен В сынамасы ашылып, оның нәтижесі де дәл сондай болғаны белгілі болды. Қазіргі таңда бұл іс бойынша тыңдау 23 қаңтарға белгіленген.