Бельгиялық журналист әрі VTM Nieuws телеарнасының жүргізушісі Ярно Берто «Қайраттың» Чемпиондар лигасындағы қарсыласы – «Брюггенің» қазіргі жағдайы туралы пікір білдірді. Бұл туралы Yersport.kz сайты ASnews.kz-ке сілтеме жасап хабарлайды.
«„Шарлеруадан“ (0:2) кейін тағы бір сәтсіздік болады деп көп адам күткен жоқ. „Брюггемен“ не болғанын түсіндіру қиын. „Ла-Лувьерге“ қарсы матчта (2:3) Ордоньес қызыл қағаз алды – оны 100 пайыз әділетті деп айту қиын, бірақ содан кейін команда мүлде ыдырап кетті. Бас бапкердің өзі бұл таймды клубтағы екі кезеңі ішіндегі ең нашары деп атады.
2:1 есебінен кейін бақылау да, қысым да, тіпті салқынқандылық та болмады. Ал „Ла-Лувьер“ есепті теңестірген соң жағдай одан сайын қиындай түсті. Футболшылардың ойынын бақылау біртүрлі болды – бұл өтуге болатын қарсыластан күтпеген жеңіліс. Маусым басталар алдында тек жынды адам ғана „Брюгге“ маусым бойы аутсайдерге екі рет жеңіледі деп ойлар еді», – деді Берто.
Еске салайық, бұған дейін «Брюгге» Кубоктан шығып қалды, кейін турнир кестесінің ең төменгі жағындағы командадан жеңілді. Сонымен қатар Бельгияның ең атақты клубтарының бірі бас бапкерін небәрі бір жарым ай бұрын ғана ауыстырған.
«Қайрат» бельгиялықтарды 20 қаңтар күні «Астана Аренада» қабылдайды. Бұл – алматылық клуб үшін Чемпиондар лигасы-2025/26 жалпы кезеңіндегі соңғы өз алаңындағы матч.