Мюнхендік «Бавария» шабуылшы Гарри Кейнмен келісімшартты ұзарту туралы келіссөздерді бастады. Бұл туралы журналист Флориан Плеттенберг X әлеуметтік желісінде хабарлады.
Тараптар ынтымақтастықты жалғастыруға ниетті, ал келіссөздер қазірдің өзінде жоғары деңгейде жүріп жатыр. Жаңа келісімшарт 2029 жылға дейін жасалуы мүмкін. Сонымен қатар клуб шабуыл шебін күшейту үшін трансфер нарығын да бақылауда ұстап отыр.
Гарри Кейн «Баварияға» 2023 жылы «Тоттенхэмнен» €65 млн-ға ауысқан. Осы уақыт ішінде ол 121 матч өткізіп, 115 гол соғып, 29 нәтижелі пас берген. Қазіргі келісімшарты 2027 жылға дейін жарамды. Transfermarkt дерегінше, футболшының нарықтық құны — €65 млн.