Англияның «Вест Хэм» клубы биылғы қысқы трансферлік кезеңде әлем бойынша ең көп шығын жасаған команда болды. Transfermarkt мәліметінше, лондондық клуб португалиялық «Жил Висентеден» шабуылшы Пабло Фелипені €23 млн-ға, ал италиялық «Лациодан» Валентин Кастельяносты €29 млн-ға сатып алды.
Осылайша, «балғашылар» қысқы трансферлерге жалпы €52 млн жұмсап, бұл көрсеткіш бойынша әлемде көш бастады. Екінші орында — «Кристал Пэлас» (€40 млн). Үздік бестікке сондай-ақ «Айнтрахт» (Германия, €19,3 млн), «Интер Майами» (АҚШ, €15 млн) және «Спортинг» (Португалия, €14 млн) кірді.