«Вест Хэм» клубының шабуылшысы Никлас Фюллькруг Италияға келіп, бүгін «Милан» сапында медициналық тексеруден өтеді, деп хабарлайды Yersport.kz сайты.
Италиялық клуб 32 жастағы неміс футболшысын маусым соңына дейін жалға алуды, сондай-ақ келісімшартқа толық сатып алу опциясын қосуды жоспарлап отыр. Барлық ресми рәсімдер бүгін аяқталады деп күтілуде.
Айта кетейік, Фюллькруг ағымдағы маусымда Ағылшын Премьер-лигасында 8 матчқа қатысып, нәтижелі әрекеттерімен көзге түсе алған жоқ.