«Зенит» пен Ресей құрамасының бұрынғы футболшысы Павел Погребняк «Пари Сен-Жермен» клубындағы қақпашылар арасындағы бәсекеге қатысты пікір білдірді. Ол ресейлік голкипер Матвей Сафонов пен француз қақпашысы Люка Шевальенің қазіргі мәртебесіне тоқталды.
— Сафоновтың «ПСЖ»-де негізгі қақпашы атану мүмкіндігі артқаны анық. Бірақ мұнда жарақат факторы да бар. Мұндай үзілістер әрдайым негізгі құрамға таласып жүрген футболшыға кері әсер етеді. Бұған дейін Шевалье жарақат алған кезде Сафонов оны сәтті алмастырып, өзін жақсы қырынан көрсетті. Қазір жағдай керісінше, — деді Погребняк.
Оның айтуынша, дәл қазіргі сәтте Париж клубында нақты бірінші нөмірді айту қиын.
— Қазір қақпада ротация жүріп жатыр, бапкерлер құрамы қақпашыларды алмастырып қолданып келеді. Сондықтан Сафоновты да, Шевальені де «ПСЖ»-нің сөзсіз бірінші нөмірі деп айтуға болмайды, — деп келтіреді Погребняктің сөзін «Чемпионат» тілшісі Егор Кабак.
Айта кетейік, соңғы матчтарда париждік клуб қақпасында екі қақпашы да кезек-кезек алаңға шығып жүр.