«Қайраттың» бас бапкері Рафаэль Уразбахтин Чемпиондар лигасында «Пафоспен» өтетін матч алдында қақпашылардың жағдайына тоқталды.
Қақпашыларға келер болсақ — бәрі аман-есен, денсаулықтары жақсы. Александр Заруцкий алаңға қайта шығып, жеке жаттығуларын бастады. Әзірге ол жалпы топқа қосылған жоқ, бірақ қалпына келу қарқыны жақсы. Дегенмен, жақын уақытта оның қызметіне сенім арта алмаймыз. — деді Уразбахтин.
Бапкердің айтуынша, құрамда Темірлан, Анарбеков және Қалмырза бар, ал негізгі қақпашыны арнайы бапкер анықтайды.
Темірланның оралғанына қуаныштымын — енді құрамда Анарбеков пен Қалмырза да бар. Ал негізгі құрамда кім алаңға шығатынын қақпашылар бапкері шешеді, біз оған толық сенеміз.
«Қайрат» — «Пафос» матчы 21 қазан күні Алматыда, 21:45-те басталады.