Ағылшын Премьер-лигасының 2025/26 маусымындағы 20-тур аясында «Вулверхэмптон Уондерерс» өз алаңында «Вест Хэм Юнайтедті» 3:0 есебімен сенімді түрде жеңді, деп хабарлайды Yersport.kz сайты. Бұл нәтиже «қасқырлар» үшін маусымдағы алғашқы жеңіс болды.
Ойынның алғашқы таймында-ақ алаң иелері басымдық танытты. 4-минутта Джон Ариас есеп ашса, 31-минутта пенальтиден дубль жасады. Үзіліс алдында Матеус Мане үшінші голды соқты. «Вест Хэм» матч бойы қақпаға бірде-бір дәл соққы жасай алмады.
Бұл нәтиже «Вулверхэмптонға» турнирлік кестеде жағдайын сәл жақсартуға мүмкіндік берді, ал «Вест Хэм» 18-орында қалып, төменгі аймақтағы жағдайын қиындата түсті.
Матчтан кейін Роб Эдвардс командасының прогресін атап өтсе, Нуну Эшпириту Санту бірінші таймдағы сәтсіз ойын үшін жанкүйерлерден кешірім сұрады.