Жапонияның Нагоя қаласында мәнерлеп сырғанаудан Гран-при сериясының финалы басталды. Қазақстан атынан Михаил Шайдоров қатысып, қысқа бағдарламада бірнеше қателікке жол беріп, 71.30 ұпай жинады. Осылайша, ол аралық есепте алтыншы орында тұр.
Байрақты бәсекеде көшбасшылықты жапониялық Юма Кагияма (108.77) ұстап тұр. Екінші орынға тағы бір жапониялық спортшы Шун Сато (98.06), ал үшінші орынға АҚШ өкілі Илья Малинин (94.05) жайғасқан.
Ерлер арасындағы еркін бағдарлама 6 желтоқсанда өтеді, сол кезде жарыстың соңғы нәтижелері анықталмақ.