«Лейкерс» клубының көшбасшысы Леброн Джеймс НБА-ның тұрақты маусымдары мен плей-офф матчтарындағы нәтижелі пастар саны бойынша тарихта екінші орынға шықты. Ол бұл көрсеткіште Крис Полды басып озды, деп хабарлайды Yersport.kz сайты.
«Мемфиске» қарсы өткен ойында (120:114) 41 жастағы баскетболшы 26 ұпай жинап, 10 нәтижелі пас берді. Осылайша, Лебронның мансабындағы жалпы ассист саны 13 793-ке жетті. Бұл көрсеткіш бойынша көш басында — «Юта» аңызы Джон Стоктон (17 645).
Тек тұрақты маусым матчтарында Леброн Джеймс 11 698 нәтижелі паспен төртінші орында тұр. Ол Джейсон Кидд (12 091), Крис Пол (12 552) және Джон Стоктоннан (15 806) кейін орналасқан.
Ал плей-оффтағы нәтижелі пастар саны бойынша (2 095) Леброн тек Мэджик Джонсонға (2 346) жол береді.